Prime Minister’s Speech
Official Announcement of the Cases in Quarantine
Date: Sunday, 2022 February 2022
H.E Pastor Obed Moses Tallis, President blong Republic blong Vanuatu
Honorable Vincent Lunabek, Chief Justice,
Honorable Speaker blong Parliament
Honorable Deputy Prime Minister
Ol Ministers
Honorable Lida blong Oposition
Ol Members blong Parliament
Ol foren diplomatic missions
Ol chiefs, ol church leaders, ol papa, mama, youth mo ol pikinini.
Gud moning, mo hapi Sandei long yumi everiwan long ripablik blong Vanuatu.
Mi kam bakegen blong apdeitem yumi long situesen blong COVID-19 long kaontri blong yumi. Folem namba blong ol repatriesen flaet we I kam long Vanautu, Ministri blong Helt hemi repotem narafala fo (4) niu confem keis oslem ol boda keis long wiken ia.
Tri (3) oli kam long repatriesen flaet we I kam long Noumea long namba 16 February 2022 mo narafala keis hemi wan long ol franlaen woka blong yumi. Tedei, mi kamaot blong talem se yumi gat wan total blong 8 COVID-19 aktif keis everiwan long Vanuatu, mo everiwan oli ol boda quarantine keis.Hemia emi impoten ol family, olto yumi kat 8, everiwan oli stap long kwarantin. Ministri blong Helt hemi identifaem vinis ol klos kontak blong olgeta we oli stap finis tu long kwarantin folem strict protocol blong Minitstri blong Helt.
Ministri blong Helt hemi kat strong protokol mo monitoring mesa we I stap in ples we hemi mekem se yumi save indentifaem ol keis ia long boda nomo. Ol niu measure we MOH I introdusum hemi:
- mandatory N95 mask blong ol inbound passenger mo ol frontline workers
- precautionary quarantine blong ol frontline workers
- everi frontline wokas ia oli recivim ol booster dose bifo repatriation I bin stat long yia ia.
- Everi pasenja we oli kam long sem flaet oli bin folem gud helt entri rekwaemen blong travel I kam long Vanuatu.
Kasem tedei, I nokat eni evidens iet blong konfemem se I kat komiuniti transmisen long Vanuatu.
Mi wantem talemaot tu se wetem ol boda keis ia, Efate mo ol Offshore Aelan I stap iet long alet Level wan (1) mo ol nara aelan blong Vanuatu i stap long level Zero (0). Ol aksen blong mekem blong alet level wan (1) hemi, folem gud ol helt mesa olsem;
- wasem han wetem sop mo wota,
- no tajem eye, nose mo maot,
- oltaem mas disinfektem ol seves olsem tebol, jea mo ol narafala seves
- Taem yu cough you practicim gud hygiene
From se yumi stap yet lo Alet Level wan (1) ino kat any restriction lo social gatherings mo skul e kohed as nomol.
Folem clearance long Sevelens Unit blong Ministry blong Helt after long gudfala investikesen ripot, hemi sowem se kontak tresing I kasem everi pasenja we oli kam long repatriesen flaet mo long evri frontline wokas we oli bin stap finis lo precautionary quarantine.
Folem clearance long MOH mi olsem Hed blong Kavman, mi wantem talemaot se Kavman hemi upliftim status blong inbound flaet we I kam long Vanuatu. I mekem se stat tudei bambae yumi lukim repatriesen flaet I ko hed baekeken.
Mi apil long olgeta we oli no kasem COVID-19 vaksinesen iet, plis yu ko fowod blong kasem vaksinesen blong yu. Vaksinesen ia nao bae hemi sevem laef blong yu blong yu no sik bigwan, slip long hospitol mo lusum laef.
Letes Vaksinesen kavrej long whole of Vanuatu hemi sowem se 66% blong ol eligible population oli kasem 1 dose mo 49 % oli fuli vaksineted. Families, vaksinesen hemi impoten, helpem fren blong yu, helpem kaontri blong yu, karem vaksinesen blong yu.
Ministri blong Helt hemi stap rolemaot naoia, ol booster dose. Folem ol type blong COVID-19 variant we i stap afektem ol famili blong yumi long pasifik, hemi gud blong preparem gud yumi blong kasem booster dose blong preventim risk.
Mi wantem tekem janis ia blong reiteratem toktok we mi talem oltaem long saed blong infomesen. Plis, lisin nomo long wantem Helt I talem, no konfusum yuwan wetem ol infomesen blong sosol media mo ol narafala infomesen aotlet. Plis go long Ministri blong Helth COVID-19 websaet, Helt Promotions Face book Page o kolem 119 blong karem moa infomesen blong COVID-19.
Tankiu tumas mo God emi blessem yumi everiwan.
END….