Minista blong Helt Spij
Apdeit long COVID-19 situesen long Vanuatu
Deit: Mandei 7 Maj 2022
H.E Pastor Obed Moses Tallis, Presiden blong Ripablik blong Vanuatu
Praem Minista, Hon. Bob Loughman Weibur,
Deputy Prime Minister, Hon.
Honorable Vincent Lunabek, Chief Justice
Speaker blong Parliament
Ol Ministers
Lida blong Oposition
Ol Memba blong Parliament
Ol foren diplomatic missions
Ol jif, ol jioj lida, ol papa, mama, yut mo ol pikinini
Gud aftanun long yumi everiwan pipol blong Vanuatu.
Mi, niufala Minista blong Helt, mi kamaot tedei aftanun ia blong apdeitem yumi long situesen blong COVID-19 long Vanuatu.
Olsem we yumi awea long hem finis, se long last wik, Vanuatu hemi bin rekodem fes komuniti aotbrek blong COVID-19.
Sins long taem ia kasem tedei, ol frantlaen woka blong yumi oli bin wok had blong mekem ol wok olsem kontak tresing, mekem ol swab mo testem olgeta we oli bin ol klos kontakt blong positif patient ia.
Risal blong kontakt tresing hemi sowem se positif patient ia hemi bin kat kontakt wetem 120 pipol. Kasem tedei 48 long olgeta oli bin muvum finis i ko long kwarantin fasiliti. Ol narafala wan Ministri blong Helt i stap ko hed blong tresem olgeta mo muvum olgeta i ko long kwarantin fasiliti.
Long situesen ripot blong Ministri blong Helt long tedei hemi sowem se yumi kat:
- 10 niu keis blong COVID-19 long komiuniti we oli rekodem sins last satede.
- 0 recovered case;
- 7 aktif komuniti keis we oli rikodem long last 24 haoa3
- Mo 0 (zero) admisisen I ko long hospitol
Wetem hemia, naoia Efate mo ol Offshore Aelan oli muv i ko long alet level 3 we hemi minim se risk hemi hae tumas mo i gat komuniti transmisen blong COVID-19.
Kasem tedei, yumi recodem 58 keis blong COVID-19 everiwan long Vanuatu. Hemia hemi inkludim komiuniti transmisen wetem boda kwarantin keis sins long taem we Vanuatu hemi stap long alet level 1 long Februari.
Mi wantem mekem apil blong pipol i rispektem ol protokol blong Gavman we i putum oslem ol taem blong curfew, ol man oli no shud wokbaot mo esensel seves kohed afta long ol taem ia.
Gavman tu i stap wok blong inkrisim namba blong ol kwarantin fasiliti blong mekem sua se yumi kwarantinim pipol we oli ol kontakt mo pipol we oli positif.
Olgeta we oli no kasem COVID-19 vaksin inclidim booster dos yet oli mas go fowod blong kasem vaksin long vaksinesen senta. Hemi impoten tumas se olgeta we oli olfala (55 yia i ko antap) wetem olgeta we oli gat sik long bodi blong olgeta, oli mas kasem vaksin. Vaksin ia nao bae hemi sevem laef, blong mekem se yu no sik bigwan, silip long hospitol mo lusum laef.
Hemia nao ol meja taem yumi stap long alet level 3:
- Everi non esensel seves hemi klos
- Ol skul oli klos
- Ol non – esensel kavman seves hemi klos
- I nogat ol pablik kataring oslem jios seves, maret, ded.
- Curfew, ol man i no save wokabaot stat long 6pm kasem 6am, be ol esensel sevis nomo wetem olgeta we oli nidim helt emejensi sevis oli save muv araon aotsaed long ol haoa ia;
- I gat ristriksen blong muvmen blong pipol i ko long ol esensel sevises eria mo i alaoem faev (5) pipol nomo i save aksesem sevis long wan taemOl pablik transpot olsem ol bas oli alao nomo blong karem faev (5) passenger (inkludem ol pikinini) mo oli mas gat insaed long bas ol han sanitaesa mo mask,5
- Ol taxi oli alao nomo blong tekem tu (2) pasenja (inkludem ol pikinini) mo oli mas provaedem han sanitaesa mo mask.
- Fisikal distensing o stap 1.5 mita longwe long narafala man;
- Stat naoia i ko werem mask oltaem sipos yu ko aot long haos blong yu o stap long ol ples we i gat tumas man long hem;
- Mo ol inbound domestik medivac mo ol intanasonal outbound medivac oli save ko hed.
Folem disisin blong Pablik Helt Imejensi Operesen Senta, 72 haoa lokdaon wei i stat lo Saturday 5 March 2022, bambae hemi finis long tumoro morning, Tuesday namba 8th March 2022 long 6am. Mo bambae Ministri blong Helt bae I kamaot wetem moa apdeit.
Mi wantem apil tu I ko long pablik blong no muv olbaot, from taem yu muv, vaeres hemi muv wetem yu. Sipos yu lukim ol symptom oslem, trot I soa, bodi I soa, kof, no pulum gud win, yuk o kwiktaem long Vila sentrol hospital, helt senta we I kolosap long yu o praevet dokta blong kat wan tes mo jek ap
Mi wantem remaedem yumi baeken se Yu mas karem stret infomesen long ol ofisal sos we hemi Ministri blong Helt. No spredem ol infomesen we yu save se hemi no tru. Blong kasem moa infomesen mo apdeit plis go long Ministri blong Helt COVID-19 websaet, folem Helt Promotions FaceBook Page o kolem 119.
Tankiu tumas
God i blesem yumi evriwan.