Prime Minister’s Speech
Date: Thursday, 24 February 2022
H.E Pastor Obed Moses Tallis, President blong Republic blong Vanuatu
Honorable Vincent Lunabek, Chief Justice,
Honorable Speaker blong Parliament
Honorable Deputy Prime Minister
Ol Ministers
Honorable Lida blong Oposition
Ol Members blong Parliament
Ol foren diplomatic missions
Ol chiefs, ol church leaders, ol papa, mama, youth mo ol pikinini.
Gud Afternoon long yumi evriwan, pipol blong Vanuatu
Mi kam bakegen blong apdeitem yumi long situesen blong COVID-19 long Vanuatu.
Mi stap konfemem se Health Emergency Advisory Committee (HEAC) e konfem long mi se ino kat eni komuniti transmisen mo Efate mo ol Ofsho aelan oli stap naoia long alet level wan (1).
Be Ministri blong Helt hemi repotem se afta sam mo tests long olketa we oli stap insaed finis long quarantine igat narafala tri (3) niu COVID- 19 confem keis oslem ol boda keis mo wan narafala we e stap anda investikesen yet.
Trifala positiv keis ia oli ol frantlaen wokas blong yumi mo oli bin stap finis long Precautionary kwarantin we hemi minim se ol frontlaen woka we oli wok long frontline wetem ol repatriation flaet oli no ko bak lo haos be oli ko stret precautionary quarantine facility. Tedei, Kavman blong Vanuatu tru long Ministri blong Helt hemi stap kamaot blong talem se yumi gat 11 COVID-19 aktif keis everiwan long Vanuatu, mo everiwan ya oli ol boda quarantine keis mo oli still stap yet insaed long quarantin.
Mi stap confirmem se Ministri blong Helt hemi kat strong protokol mo monitoring mesas we I stap in ples finis. Mo blong lowarem risk blong komuniti transmisen.
Folem advaes Helt Emejensi Advisori Komiti kavman hemi stap putum ol mesas ia:
- Stat tomorrow 25th February 2022 bambae ikat Temporari restriction blong ol international in-bound pasenja travelling long sea mo air
- Stat tomorrow 25th February 2022 bambae ikat Temporari restriction blong ol lokol travel long sea mo air out long Efate.
- Stat tete bae HEAC hemi Inkrisim security blong ol kwarantin fasiliti
- Ol vaccination sites oli continue blong operate as normal Mi wantem talemaot bakeken se kasem tedei, yumi nokat eni komiuniti transmisen long Vanuatu.
Mi wantem talem tu se wetem ol boda keis ia, Efate mo ol Offshore Aelan I stap iet long alet Level wan (1) mo ol nara aelan blong Vanuatu i stap long level Zero (0)
Long alet level wan (1) Ministri blong helt hemi stap enkarejem everiwan blong mas folem gud ol haejin mesa. Mo tu long Alet level wan, ino kat any restriction blong ol social gatherings skul e kohed.
Mi apil long olgeta we oli no kasem COVID-19 vaksin iet, plis yu ko fowod blong kasem. Mo tu Olketa we oli kasem second dose blong olketa long mo than 5 manis finis oli save kam fowod tu blong kasem booster dose blong olketa. Vaksin ia nao bae hemi sevem laef blong yu blong yu no sik bigwan, slip long hospitol mo lusum laef.
Mi wantem remindem yumi olketa lidas blong Vanuatu mo evri citizens blong Republic blong Vanuatu blong no create o pasem eni misleading information about ol border cases blong yumi we oli stap insaed long quaraninte blong mislidim ol pipol blong yumi wetem ol infomesesn we ino stret. Plis oltaem lisin nomo long infomesen we Ministri blong Helt I talem, no konfusum pipol blong Vanuatu wetem ol infomesen blong sosol media mo ol narafala sos blong infomesen olbaot.
Plis go long Ministri blong Helth COVID-19 websaet, Helt Promotions Face book Page o kolem 119 blong karem moa infomesen blong COVID-19.
Tankiu tumas mo God emi blessem yumi everiwan.
END...